Berisha thirrje Alabbarit: Apartamentet po shiten që tani me 3 mijë euro metri

Pa dalë ende ligji në Fletoren Zyrtare, apartamentet në Durrës po shiten me 3 mijë euro metri. Kjo ishte deklarata e kryedemokratit Sali Berisha në një konferencë për media.

Ai u shpreh se Dubai i Ramës dhe arabit të tij, duke nënkuptuar këtu Alabbarin, po ngrihet mbi paratë e krimit.

“Ndaj na duhen ato pasaportat e arta. Vendi është në rrezik të jashtëzakonshëm. Kjo mafie nuk ka asnjë parim, asnjë interes. Ndaj i them edhe njëherë zotit Alabbar, që është një miliarder. Hiq dorë nga kjo aferë. Zotëri, kjo është plaçkitja më e madhe që i bëhet kombit shqiptar në pronë publike,” – tha kreu i Partisë Demokratike.

Berisha tha se Alabbar nuk duhet ti përziejë aksionet e tij me kryeministrin Rama.

LEXONI GJITHASHTU:

• Demokracia po gërryhet në të gjithë botën, zbulon raporti
• Porti i Durrësit, Alabbar tregon pse vendosi të investojë në Shqipëri