Berisha: Trafikantë dhe kuklla pa dinjitet po bllokojnë komisionin hetimor

Kryatari i Partisë Demokratike Sali Berisha, akuzoi maxhorancën socialiste se po bllokon në mënyrë të jashtëligjshme ngritjen e Komisionit Hetimor për çështjen McGonigal.

Nga protesta e opozitës jashtë parlamentit, Berisha tha se ngritja e komisioneve është një e drejtë kushtetuese e opozitës, mohimin e të cilës qytetarët nuk do ta lejojnë.

“Jemi në këtë protestë të fuqishme para parlamentit të pushtuar nga krimministri Edi Rama dhe banda e tij kriminale. Në këtë protestë ju mbështesni, jo vetëm deputetët tanë me qëndrimin e tyre të shkëlqyer në mbrojtje të interesave tuaja, jeni zëri i vërtetë i çdo shqiptari kudo që ndodhet, por që konsideron Ramën dhe ministrat e tij si armiq të egër të demokracisë sonë. Për të gjithë qytetarët e këtij vendi që ndjekin zhvillimet në seancën e parlamentit, duhet të qartësojë se kjo është një betejë për mbrojtjen e Kushtetutës e cila shkelmohet nga banditët, nga patronët e klanëve të drogës, të krimit. Kjo Kushtetutë në nenin e saj 70 garanton deputetët me mbledhjen e 28 firmave krijimin automatik të komisionit hetimor që këta gjykojnë se duhet të hetojnë.

Trafikantë dhe kukulla pa asnjë dinjitet njerëzor bllokojnë këtë të drejtë të deputetëve të opozitës”, tha Berisha.

LEXONI GJITHASHTU: 

• “Rama ua fut shokëve”, Meta thirrje socialistëve: Mblidhuni dhe dënojeni
• Vokshi: Rama do të përfundojë në burg, nuk e shpëtoni dot nga ne