Kreu i Partisë Demokratike, Sali Berisha, ka sqaruar qëndrimin e tij ndaj institucioneve të drejtësisë, duke theksuar se nuk po mbështet SPAK-un, por Kushtetutën e vendit.
Berisha u shpreh se “vlerëson në mënyrë maksimale çdo punonjës të SPAK, drejtësisë dhe policisë që zbaton ligjin, pavarësisht bindjeve të tij”.
“Ata që zbatojnë ligjin janë shërbëtorë dinjitozë të shtetit dhe qytetarëve”, tha Berisha, duke i vlerësuar si elementë të rëndësishëm për mbrojtjen e shtetit ligjor.
“Sali Berisha vlerëson në mënyrë maksimale çdo punonjës të SPAK, drejtësisë dhe policisë që zbaton ligjin, pavarësisht bindjeve të tij. Ai që zbaton ligjin është një shërbëtor dinjitoz i shtetit dhe qytetarëve. Sali Berisha nuk mund të pajtohet kurrë me prokurorë apo gjykatës që flenë mbi krimin. Që pasurohen në pazare me krimin dhe këtë besoj se një qytetar, një shtetar, nuk mund të pajtohet kurrë”, tha Berisha.
LEXONI GJITHASHTU:
- SPAK kërkesë policisë: Pse nuk u mor asnjë masë sigurie gjatë gjyqit ndaj Veliajt?
- Deputeti i PS mbështet kërkesën e SPAK drejtuar policisë për gjyqin e Veliaj
