Pas dështimit të negociatave për një bashkëpunim mes dy grupeve në Parinë Demokratike, ka nisur edhe pozicionimet e para.

Deputeti Kastriot Piroli ka vendosur t’i bashkohet grupit të drejtuar nga Sali Berisha, duke braktisur grupimin e Enkelejd Alibeajt. Vendimi u bë me dije nga Sekretari I Përgjithshëm i partisë, Flamur Noka.

Edhe ish-kryetari i PD-së në Laç, Behar Haxhiu, ka vendosur t’I bashkohet grupit të Sali Berishës.

Partia Demokratike do të shkojë e përçarë në zgjedhjet e ardhshme vendore që do të zhvillohen më 14 maj të vitit të ardhshëm.

Edhe pse prej disa kohësh filluan bisedimet mes dy palëve për të dalë me kandidat të përbashkët, negociatat dështuan.

Përmes një njoftimi, Grupi Parlamentar i Partisë Demokratike ka deklaruar se pala tjetër ka vendosur si kusht gjatë bisedimeve, që të njihet “Statuti i 11 Dhjetorit”, çka sipas tyre, ka minuar bisedimet për të gjetur zgjidhje për zgjedhjet.

LEXONI GJITHASHTU: 

• Zyla: Një PD e ndarë e ka të vështirë fitoren në zgjedhjet lokale
• Sandër Kovaçi: Pedagogët po kërcënohen nga politika për grevën e urisë