BERZH dhe Raiffeisen Bank mbështesin turizmin dhe agrobiznesin, 12 mln euro

Banka Evropiane për Rindërtim dhe Zhvillim dhe Raiffeisen Bank Albania kanë nënshkruar marrëveshje dypalëshe, e cila i vjen në ndihmë kompanivë që operojnë në fushën e turizmit dhe agrobiznesit. Falë kësaj marrëveshjeje, Banka siguron deri në €12 milionë euro grante për këta sektorë.

“Ne jemi krenarë të ndërtojmë më tej mbi partneritetin tonë të suksesshëm me Raiffeisen Bank Albania, duke u zgjeruar në një sektor kaq të rëndësishëm si turizmi. Ne besojmë në potencialin që ai përfaqëson për ekonominë shqiptare, siç u dëshmua së fundmi me një nga sezonet turistike më të suksesshme në vend”, deklaroi, Kryetarja e BERZH Ekaterina Solovova.

Elona Mullahi (Koçi), Anëtare Bordi për biznesin Koorporatë, në Raiffeisen Bank thotë se falë kësaj marrëveshje ndërmarrjet e vogla dhe të mesme do të kenë më shumë akses financiar me bankat.

“Ka dy pika thelbësore të cilat ndryshojnë dhe e bëjnë këtë marëveshje më pozitive dhe më suportuese për dy sektorë strategjikë të ekonomisë shqiptare, siç janë bujqësia dhe turizmi. Banka Raiffeisen ka qenë iniciatore për të shtuar turizmin në marrëveshje dhe finalizimi sot do të thotë shumë për ne”, tha Mullahi

Granti 12 mln euro që firmoset sot, është zgjerim i marrëveshjes të vendosur më parë me Raiffeisen Bank Albania për sektorin e agrobiznesit, në kuadër të ish- Albania Agribusiness Support Facility, i cili u nënshkrua në vitin 2019 për një portofol deri në 35 milionë euro.

LEXONI GJITHASHTU:

• “Çmimi i grurit do rritet”- FMN: Lufta do të ndikojë në gjithë botën
• BERZH bën parashikimin për ekonominë shqiptare, situata 2023-2024