Besimtarët e Vlorës këtë mëngjes të shumtë në numër kanë falur Fitër Bajramin, këtë herë ndryshe nga vitet e tjera. Për shkak të restaurimit të Xhamisë së Plumbit, ceremonia është zhvilluar në Pallatin e Sportit.
Të shumtë kanë qenë besimtarët që kanë mbushur ambientet e Pallatit të Sportit, ku është zhvilluar ceremonia.
Ceremonia ka filluar me lexim të Kuranit e më pas është zhvilluar falja e namazit. Një fjalë përshëndetëse ka mbajtur myftiu i Vlorës, Ardit Hoxhlleku, ku ka falënderuar besimtarët në këtë ditë të madhe: agjërim të lehtë dhe të pranuar.
Myftiu ka pasur edhe një mesazh që të gjithë fëmijët në botë të jenë në paqe e të gëzojnë, e të mos ketë më luftëra. Ai uron Bajram të gëzuar, t’ia dini vlerën familjes dhe Zoti jua shpërbleftë në të mira.
Më pas është zhvilluar falja dhe besimtarët kanë shkëmbyer urime me njëri-tjetrin. Në fund, Myftinia kishte përgatitur një koncert me fëmijët e besimtarëve.
