Besnik Bislimi kritikon prokurorinë dhe mediat pas dëshmisë në Prokurori

Zëvendëskryeministri dhe kryenegociatori ne detyre i Kosovës, Besnik Bislimi, te mërkurën është intervistuar nga Prokuroria Speciale e Kosovës. Pas daljes, ai nuk ka pranuar te përgjigjet për media se ne çfarë cilësie është thirrur. Ndërkohë, ka qene Prokuroria Speciale e Republikës së Kosovës, ajo qe ka dhënë detaje rreth rastit.

“Prokuroria Speciale është duke zhvilluar hetime lidhur me dyshimet për dhënien me qira të fabrikës për përpunimin e nënprodukteve shtazore. Në kuadër të zhvillimit të hetimeve, të mërkurën në Prokurorinë Speciale është intervistuar në cilësinë e dëshmitarit Besnik Bislimi. Por, nuk jemi në gjendje sot të diskutojmë apo japim detaje, meqë çështja është në fazën fillestare të hetimeve”,-thuhet në deklaratën e prokurorisë.

Edhe pse nuk foli para mediave, Bislimi shprehu qëndrimin e tij rreth këtij procesi ne rrjete sociale.

“Sot isha në prokurori i ftuar në cilësinë e dëshmitarit në hetimet e prokurorisë rreth funksionalizimit të fabrikës për nënproduktet shtazore në Drenas. Arrita të konfirmoj që të gjitha informacionet që prezantova sot kanë mund të grumbullohen shumë lehtë pa patur nevojë fare për intervistim. Do të kishte mjaftuar një studim minimal për detyrat dhe përgjegjësitë e zëvendëskryeministrit brenda portfolios së integrimeve evropiane dhe një shfletim i shpejtë i raporteve për vendin ndër vite nga Komisioni Evropian.”

Akuza pati edhe për mediat, qe sipas tij janë ne shërbim te atyre qe duan lajme sensacionale kundër qeverise.

“Nisur nga fakti se hyrja e ndërtesës ku u mbajt intervista ishte vërshuar nga portalet, gjë që nuk ndodh më raste të tjera kur ftohen dëshmitarët, dhe nga përvoja e nxjerrjes në media të lajmit për intervistim saktësisht kur po zhvillohej takimi trilateral i dialogut në Bruksel, del i pashmangshëm përfundimi se qëllimi parësor i kësaj interviste ka qenë prodhimi i lajmit për media, ku eksponentë të qeverisë bëhen pjesë e titujve bashkë me termin “skandal”. “Skandal” që origjinën nuk e ka as në Ministri të linjës e as në prokurori, por te eksponentë të medias”,- Besnik Bislimi, zv.kryeministër në detyrë i Kosovës .

Bislimi eshte intervistuar si dëshmitar për rastin qe po hetohet ne Ministrinë e Bujqësisë, ku ministri ne detyrë, Faton Peci dyshohet se pa ankand publik, ia ka dhënë një kompanie me qira për 20 vjet impiantin publik për mbetjet shtazore. Ne këtë rast dyshohet se është i përfshirë edhe një familjar i Bislimit.

LEXONI GJITHASHTU:

• “Kërcënime nga armiku” – Irani vendos kufizime të përkohshme të internetit
• Theu ‘enigmën’ e nazistëve! Dokumentet e Turing shiten për një çmim rekord në ankand