Bexheti, mjeshtri me zemrën “flori”: Diamantin e parë e kam parë për në vitet ‘80

Real People ishte këtë të shtunë në Vlorë për të prezantuar Bexhetin Rrapin, një argjendar që ka shumë vite që punon në këtë profesion.

Ai tregoi se prej 48 vjetësh ka krijuar në punishten e tij unaza e bizhuteri të ndryshme për fejesa e martesa, madje punimet e tij kanë kaluar edhe kufijtë e vendit.

66-vjeçari zbuloi se diamantin e parë e ka parë në vitin 82, dhe i përkiste një të persekutuari politik.

“Diamantin e parë e kam parë në ‘82-‘83, për njerëzit që kishin mundësi ekonomike. Iu përkisnin njerëzve me probleme me biografi, të persekutuarit, të tjerët s’e njihnin fare. Tani ka aparate që të dallosh origjinalin nga imitimi, në atë kohë kanë qenë të gjitha origjinale. Ishin të trashëguara, unë jam munduar të realizoj vetë flori 24 karat dhe s’e kam arritur dot se duke e punuar ai fillon çahet”, tregoi ai.