BF çel fushatën në Kukës, Berisha dhe Meta krah njëri-tjetrit

Sot është hapur fushata për kryebashkiakun e ri të Kukësit.

Pas video-skandalit erotik të ish-kreut, Safet Gjici, për bashkinë e Kukësit garojnë nga koalicioni Bashkë Fitojmë, Emri Vata dhe nga Partia Socialiste, Albert Halilaj.

2 javë do të zgjasë fushata, ndërsa zgjedhjet do të mbahen më 24 shtator.

Sali Berisha dhe Ilir Meta janë shfaqur krah njëri-tjetrit në Kukës në çelje të fushatës, në mbështetje të kandidatit të tyre.

Berisha deklaroi se nuk do të prekin votën e askujt dhe se ata që kanë prekur votën në këto 10 vite duhet të përgjigjen para shqiptarëve.

“Ju dëgjoni çdo ditë, Edi Rama i vjedh zgjedhjet, Edi Rama e vjedh votën. Unë ju them ju se kjo është një e vërtetë absolute. Edi Rama vjedh zgjedhjet, votën dhe lirinë. Nuk ka vend tjetër ku krimi të shndërrohet në votë dhe vota në krim. Ky Gjici, ky ka fituar po të ja numëroni ka fituar të paktën 400 tendera, pa ato paratë që ka fituar në tunelet, ku roje ishin njerëzit e tij. Pra të gjitha këto i shndërroi në vota, ato ishin tendera krimi,” – u shpreh Berisha.

LEXONI GJITHASHTU:

• PD zyrtare nuk do të marrë pjesë në zgjedhjet lokale të 24 shtatorit në Kukës
• Koalicioni “Bashkë Fitojmë” regjistrohet në zgjedhjet e Kukësit