Koalicioni “Bashkë Fitojmë” regjistrohet në zgjedhjet e Kukësit

Sot, Komisioneri Shtetëror i Zgjedhjeve shqyrtoi kërkesën e koalicionit “Bashkë Fitojmë”, për regjistrimin si subjekt zgjedhor në zgjedhjet e pjesshme për Kryetar të Bashkisë Kukës, që do të zhvillohen më datë 24 Shtator 2023.

Komisioneri vendosi regjistrimin si subjekt zgjedhor të koalicionit “Bashkë Fitojmë” me partitë politike përbërëse:

1. Partia e Lirisë;
2. Partia Demokristiane e Shqipërisë.

Gjithashtu, Komisioneri caktoi partitë politike që do të propozojnë anëtarin e tretë dhe të katërt të Grupeve të Numërimit të Votave.

Partia politike e shumicës parlamentare, që ka të drejtë të propozojë anëtarin e tretë të Grupeve të Numërimit të Votave është “Partia Socialiste e Shqipërisë”dhe partia politike e opozitës parlamentare, që ka të drejtë të propozojë anëtarin e katërt të Grupeve të Numërimit të Votave është “Partia Demokratike”.

Në total PS do të propozojë dy anëtarë të Grupeve të Numërimit të Votave, Partia e Lirisë dhe Partia Demokratike do të propozojnë nga një anëtar.

LEXONI GJITHASHTU:

•  Zgjerimi i BE në 2030? Komisioni Evropian komenton propozimin e Charles Michel
• KAS rrëzon kërkesën e PD, 1 komisioner në zgjedhjet e Kukësit