Biden dhe Harris do të takohen veçmas me Netanyahun për armëpushimin e Gazës

Presidenti Joe Biden dhe Zëvendëspresidentja Kamala Harris do të ulen veçmas, me kryeministrin izraelit Benjamin Netanyahu për bisedime me interesa të larta për mbylljen e konfliktit të Gazës.

Takimet SHBA-Izraelite zhvillohen një ditë pas fjalimit sfidues të Netanyahut në Kongresin Amerikan, në të cilin ai mbrojti sulmet e Izraelit në Gaza, duke thënë se protestuesit anti-izraelit “duhet të kenë turp nga vetja”.

Do të jenë bisedimet e tyre të para ballë për ballë që kur Biden udhëtoi në Izrael disa ditë pas sulmit të Hamasit të 7 tetorit dhe përqafoi Netanyahun dhe premtoi mbështetjen amerikane .

Biden dhe Netanyahu gjithashtu do të takohen së bashku me familjet e pengjeve amerikane të mbajtura nga Hamasi.

Në orët e vona të pasdites, Harris, e cila është gati të bëhet kandidatja demokrate për President, do të takojë udhëheqësin izraelit në zyrën e saj ceremoniale në Shtëpinë e Bardhë.

Takimi pritet të vëzhgohet për të kuptuar se si Harris, që është zyrtarja e parë që bëri thirje për armëpushim, mund të ndryshojë politikën e SHBA ndaj Izraelit nëse ajo bëhet Presidente.

LEXONI GJITHASHTU:

• Netanjahu në SHBA falënderon Biden për “mbështetjen e përzemërt”
• Presidenti Joe Biden: Po i kaloj stafetën brezit të ri për të bashkuar vendin