Biden lejon kontraktorët ushtarakë amerikanë të vendosen në Ukrainë

9 Nëntor 2024 | 10:20

Administrata e Joe Biden do të lejojë kontraktorët ushtarakë amerikanë të vendosen në Ukrainë për të ndihmuar vendin e shkatërruar nga lufta të mirëmbajë dhe riparojë armët e ofruara nga SHBA, raporton CNN .

Një zyrtar me njohuri për planin tha se masa do të lejonte Pentagonin të sigurojë kontrata për kompanitë amerikane në mënyrë që ato të mund të ndihmoninnëë riparimin e avionëve luftarakë F16 dhe sistemeve të mbrojtjes ajrore Patriot.

Kjo do të ishte hera e parë që kontraktorët amerikanë do të lejohen të punojnë brenda Ukrainës që kur Rusia nisi pushtimin e saj.

Një zyrtar amerikan, duke folur në kushte anonimiteti, i tha Reuters  se kontraktorët do të ishin të vegjël në numër dhe do të ndodheshin larg vijave të frontit. Ata nuk do të përfshihen në luftime.

Kontraktorët do të ndihmojnë për të siguruar që pajisjet e ofruara nga SHBA “mund të riparohen me shpejtësi kur dëmtohen dhe të sigurohen mirëmbajtje sipas nevojës”, tha zyrtari.

Lëvizja është lehtësimi i fundit i kufizimeve që administrata e Biden po merr në favor të Ukrainës.

Që nga pushtimi i Ukrainës nga Rusia në vitin 2022, SHBA i ka dhënë Kievit dhjetëra miliarda dollarë armatime.

Por Kievi ose duhej të zhvendoste armët e ofruara nga SHBA jashtë vendit për riparime të rënda ose të mbështetej në video-konferenca dhe zgjidhje të tjera për të rregulluar ato sisteme brenda vendit.

Kufizimet në të kaluarën ndonjëherë kanë ngadalësuar riparimet.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Lituania me kryeministër të ri, Mindaugas Sinkevicius merr drejtimin e qeverisë

Sinkevicius, një politikan komunal me shërbim të gjatë nga qyteti Jonava i Lituanisë qendrore, është Socialdemokrati i tretë që shërben si kryeministër që kur partia...
14:20 | 30/06/2026

OKB: Epidemia e Ebolës mund t’i kushtojë Afrikës deri në 3.6 miliardë dollarë

Kombet e Bashkuara kanë paralajmëruar se shpërthimi aktual i Ebolës mund t’i kushtojë ekonomisë afrikane deri në 3.6 miliardë dollarë dhe të shkatërrojë qindra mijëra...
13:22 | 30/06/2026

Plani i shpenzimeve të qeverisë, kryeministri britanik premton 15 miliardë paund shtesë për mbrojtjen

Kryeministri britanik Keir Starmer ka njoftuar një financim shtesë prej 15 miliardë paundësh për mbrojtjen, në prag të publikimit të planit shumëvjeçar të shpenzimeve të...
13:06 | 30/06/2026