Dy persona janë plagosur pasi ashensori ku ndodheshin ka rënë për shkak të një defekti. Ngjarja ka ndodhur në Unazë të Re, në rrugën “Aleksandri i Madh”, në Tiranë.

Policia tha se ashensori ka pësuar defekt dhe ka rënë nga kati i pestë në katin zero. Në të ndodheshin shtetasi S. K., 56 vjeç, dhe shtetasja S. K., 55 vjeçe (çift bashkëshortësh).

Në ndihmë të tyre kanë vajtur shërbimet e Policisë, shërbimet e zjarrfikëses dhe të ambulancës.

Si pasojë, shtetasit e lartpërmendur janë dëmtuar dhe ndodhen në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.

LEXONI GJITHASHTU:

• Makina del nga rruga në Pogradec, plagosen 4 anëtarë të një familje
• Plagosen me armë në mes të rrugës nënë e bijë në Kosovë