Bie çatia e Komunës së re në Prishtinë, lëndohet një vajzë

Një person është lënduar si pasojë e rënies së kulmit të ndërtesës e re të komunës në Prishtinë. E lënduara është një vajzë e cila momentalisht është duke u trajtuar në QKUK.

Gazetari i Euronews Albania, Kosovë Gjoci ka lajmëruar se sipas mjekëve kujdestar ajo ka lëndime të shumta dhe do të transferohet në klinikën për kujdes intensiv.

Ky aksident që solli edhe lëndimin e vajzës erdhi pasi një ere e fortë ka përfshirë një pjesë të Prishtinës çka ka bërë që kulmi i kësaj ndërtesës të rrëzohet në rrugë dhe trotuar.

“Rreth orës 13:00, është raportuar se në rrugën ‘Nora e Hotit’  në Prishtinë,  një person ka marrë lëndime si pasojë e goditjes  nga materiale që janë shkëputur nga çatia e një objekti. Policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar, femër,  e cila është dërguar në QKUK për trajtimin e nevojshëm mjekësor” thuhet ne njoftimin e policisë.

Aktualisht policia ka nisur punën për zbardhjen e plotë të të gjitha rrethanave që karakterizojnë këtë ngjarje tragjike.

LEXONI GJITHASHTU:

• “FSK po përgatitet të mbrojë e vetme Kosovën” – Paralajmërimi i ekspertit
• Kosova heq nga qarkullimi dinarin, BQK: Pagesat do të kryhen vetëm me euro