Bie numri i të infektuarve me Covid-19, një humbje jete në orët e fundit

Numri i të infektuarve në vend me Covid-19 në vend ka pësuar rënie të ndejshme. Ministria e Shëndetësisë bën të ditur se në 24 orët e fundit janë konfirmuar 69 raste të reja, ndërsa një qytetar ka ndërruar jetë.

Aktualisht në spitalet COVID në Tiranë por edhe në tre spitalet rajonale po trajtohen 147 pacientë, 12 në terapi intensive, nga të cilët 4 pacientë janë të intubuar.

Shpërndarja gjeografike e rasteve aktive sipas qarqeve:
Tiranë   16993
Fier        1800
Durrës     648
Shkodër   554
Gjirokastër 389
Korçë        495
Vlorë         270
Elbasan     126
Kukës        204
Dibër         141
Berat           93
Lezhë          41.

Listës së të shëruarve në orët e fundit i janë shtuar 737 qytetarë, ndërsa Tirana vijon të jetë qarku më i prekur nga coronavirus. Që nga fillimi i epidemisë në Shqipëri kanë humbur jetën 2,379 qytetarë, shumica e të cilëve me sëmundje të tjera bashkëshoqëruese.