Bie optimizmi për ekonominë| Rënie e lehtë në muajin maj, qytetarët janë skeptikë

Besimi për ekonominë është ulur lehtë në muajin maj. Të dhënat e Bankës Qëndrore, tregojnë se bizneset dhe qytetarët janë shfaqur më pesimistë për të ardhmen.

Besimi në ekonomi mbetet në nivelet më të larta historike këtë vit, megjithë luhatjet që ka pësuar pas çdo muaji.

Në maj, ai isht 112.7 pikë, nga 100 që është kufiri matës mes optimizmit dhe pesimizmit që shfaqin bizneset dhe qytetarët. Në raport me muajin prill, treguesi ra me 1 pikë.

Rënia u ndikua nga nivele më të ulëta të besimit në sektorët e industrisë, të ndërtimit dhe të konsumatorëve. Nga ana tjetër, besimi u rrit në sektorët e shërbimeve dhe të tregtisë.

Treguesi i besimit të industrisë regjistroi rënie të lehtë me 0.6 pikë dhe u ndikua nga vlerësimet më të ulëta për prodhimin industrial aktual.

Treguesi i besimit në ndërtim vijoi një prirje të lehtë rënëse për të tretin muaj rresht, ndikuar  nga vlerësimet në rënie për aktivitetin aktual ndërtues.

Edhe qytetarët, dhanë përgjigje më pesimiste në krahasim me muajin prill, duke vlerësuan më dobët situatën e tyre financiare, situatën ekonomike të vendit në të ardhmen si dhe blerjet në shuma të mëdha.

Treguesi i besimit në shërbime shënoi rritje për të tretin muaj radhazi, duke u ngjitur me 2.1 pikë përqindje në maj. Niveli i tij aktualisht qëndron 24 pikë përqindje mbi mesataren historike.

LEXONI GJITHASHTU:

• Ekspertja: 58 mijë lekë të vjetra, ndihma ekonomike për një person në nevojë tek ne
• Shumica e shqiptarëve më mirë ekonomikisht se në vitet ‘90, gjetjet e Barometrit