Ekspertja: 58 mijë lekë të vjetra, ndihma ekonomike për një person në nevojë tek ne

Shqipëria renditet e fundit në Europë bashkë me Turqinë për mbështetjen financiare për familjet në nevojë (ato përfshijnë, përveç kujdesit shëndetësor, kostot e shtatzënisë, lindjes dhe birësimit, kujdesin ndaj fëmijëve dhe kujdesin për anëtarët e tjerë të familjes).

Sipas të dhënave të Eurostat në vitin 2021, vendet e BE-së shpenzuan mesatarisht 777 € për person për përfitime familjare, nga 561 € në 2011.

Ekspertja e ekonomisë, Romina Radonshiqi tha në emisionin GoodMorning Albanians në Euronews Albania se ndihma ekonomike për një person në nevojë në Shqipëri është 58 mijë lekë të vjetra.

“Jemi nga vendet me ndihmë ekonomike më të ulët, ndërkohë që qeveria ka hartuar një strategji të vitit 2024-2023 ku thuhet se ndihma ekonomike nuk do jetë më pak se 116 mijë lekë të vjetra në muaj që mbetet gjithsesi shumë e vogël. Aktualisht ndihma ekonomike mesatare është 58 mijë lekë te vjetra se llogaritet në varësi të anëtarëve të familjes”, tha ajo.

LEXONI GJITHASHTU:

• Shqipëria dhe Turqia nuk i mbështesin familjet në nevojë me fëmijë…
• Shqiptarët nga Kosova dhe Shqipëria të parët për numrin më të madh të azilkërkuesve