Bie qeveria| Rutte takohet me Mbretin, bisedime për administratën e përkohshme 

Kryeministri holandez Mark Rutte do të takohet me Mbretin Willem-Alexander për të diskutuar një administratë të përkohshme, një ditë pasi qeveria e qendrës së djathtë ra për mosmarrëveshjet mbi politikën e emigracionit.

Si kreu i shtetit, Mbreti Willem-Alexander pritet t’i kërkojë koalicionit të Rutte që të mbetet si një qeveri kalimtare deri në formimin e një kabineti të ri pas zgjedhjeve, të cilat do të zgjasin disa muaj.

Dorëheqja e qeverisë së koalicionit do të thotë se parlamenti me shumë gjasa do të shpërndahet dhe holandezët do të shkojnë në zgjedhjet e përgjithshme në nëntor, raportoi Reuters.

Rutte, 56 vjeç, i cili ka qenë në pushtet që nga viti 2010, është tashmë kryeministri holandez më jetëgjatë.

Rute tha në një konferencë për shtyp të premten se do të dëshironte të kandidonte për një mandat të pestë, por se do të konsultohej me partinë e tij përpara se të merrte një vendim përfundimtar.

Kriza lindi pasi Partia Popullore për Liri dhe Demokraci (VVD) konservatore e Rutte-s bëri presion për të kufizuar fluksin e azilkërkuesve në Holandë.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Rutte konfirmon rrëzimin e qeverisë: Dhashë dorëheqjen, s’u pajtuam dot
• “Të gjendet dialogu”, Rutte flet nga Prishtina: Të drejtat e njeriut të rëndësishme