Prej 11 vitesh Silvana Subashi realizon objekte artizanale përmes drurit të ullirit, por rënia e blerjeve nuk ka qenë asnjëherë si gjatë kësaj periudhe.

“Absolutisht kemi rënie drastike. Produktet që ju shikoni janë të destinuara ose për suvenire ose për dhurata për njëri tjetrin. Duke qenë se pjesa e pandemisë reduktoi një pjesë shumë të madhe të turizmit edhe ne kishim problemet tona me shitjen e produkteve”, thotë znj. Subashi.

Gjatë periudhës së festave të fund vitit, Silvana na tregon se ka bërë vetëm 30% të xhirove të para dy viteve.

“Në krahasim me dy vitet më parë kishim turistë të huaj që vinin, në këtë fund vit ishte e kundërta këtë vit kishim shqiptarë që ishin jashtë atdheut. Kemi bërë xhiron e 30% të para dy viteve”, deklaron artizania.

Edhe në dyqanet e tjerë me produkte artizanale, vihet re mungesat e blerjeve nga turistëve e huaj.

Martin Budurushi, ndonëse ka dy vite që dizajnon pjata dhe filxhanë, e bën dallimin e luhatjes së blerjeve.

Megjithatë ajo që pohojnë artizanët është se së fundmi interesi ndaj punimeve me dore është shtuar.