Pronari i një hoteli në Dhërmi së bashku me dy punonjës të biznesit janë dëmtuar pasi kanë rënë në kontakt me energjinë elektrike.
Sipas informacioneve paraprake të policisë, pronari dhe punonjësit po punonin me ndriçimin e jashtëm të godinës në momentin që ranë në kontakt me rrymën elektrike.
Bëhet me dije se ata janë transportuar me urgjencë në spital, ku pronari 40-vjeçar i hoteli nuk mundi t’i mbijetonte plagëve të marra.
Grupi hetimor dhe policia ndodhen në vendngjarje dhe po punojnë për zbardhjen e plotë të rrethanave të ngjarjes.
“Rreth orës 17:25, në Dhërmi, shtetasit A. M, E. H, dhe K. N, (pronari dhe 2 punonjës të një hoteli), dyshohet se duke punuar me ndriçimin e jashtëm të hotelit, aksidentalisht kanë rënë në kontakt me energjinë elektrike dhe për pasojë janë dëmtuar.
Shtetasi A. M., rreth 40 vjeç, pronari i hotelit, ka ndërruar jetë për shkak të dëmtimeve, ndërsa dy punonjësit e dëmtuar do të transportohen për ndihmë mjekësore të specializuar në Tiranë. Grupi hetimor vijon punën për dokumentimin e plotë ligjor të ngjarjes”, thuhet në njoftimin e policisë”, njoftoi policia.
LEXONI GJITHASHTU:
- Bie në kontakt me rrymën elektrike, ndërron jetë 32-vjeçari në Tiranë
- E rëndë| I riu shqiptar merret zvarrë nga eskavatori, e kishte ditën e parë në punë
