Bjellorusi, dy aktivistë dezertojnë në Ukrainë, Kolesnikova në burg

Vazhdojnë të mbeten të paqarta rrethanat e zhdukjes së përfaqësuesve të opozitës në Bjellorusi.

Sipas agjencisë së lajmeve “Reuters”, dy aktivistët Anton Rodnekov dhe Ivan Kravstov kaluan kufirin për në Ukrainë në orët e para të së martës. Ndërkohë, lidhur me lideren e protestave Maria Kolesnikova, e njëjta agjenci njofton se u ndalua nga persona të Maskuar në qendër të Minskut ditën e hënë. 

Kolesnikova, anëtare e këshillit koordinues të opozitës, ishte e fundit e tre politikaneve femra që bashkuan forcat përpara zgjedhjeve të 9 gushtit, në përpjekje për të sfiduar presidentin Aleksander Lukashenko.

Lukashenko, që ka qenë në pushtet gjatë 26 viteve të fundit, mohon zërat se po sulmon figurat e opozitës dhe akuzon fuqitë perëndimore se po përpiqen ta rrëzojnë nga pushteti përmes një revolucioni.