“Black out” i energjisë në Spanjë, Sánchez: Përdorini telefonat me përgjegjësi

Disa orë pasi një ndërprerje masive e energjisë goditi pjesë të mëdha të Spanjës dhe Portugalisë, kryeministri spanjoll Pedro Sánchez thotë se shkaku është ende duke u hetuar.

Pedro Sánchez gjithashtu i kërkon publikut që të përdorë telefonat “me përgjegjësi” dhe thotë se ky është një moment kritik për telekomunikacionin në vend.

Ai u bën thirrje njerëzve që të përdorin telefonat vetëm për telefonata të shkurtra dhe komunikim të nevojshëm pasi sistemi është duke u rivendosur plotësisht.

Sánchez tha se do të ketë prani të shtuar të forcave të sigurisë në rrugë, por sipas tij ndërprerjet deri më tani nuk kanë shkaktuar ndonjë problem sigurie në të gjithë vendin.

“Spitalet janë duke funksionuar dhe njerëzit në nevojë po trajtohen në shtëpitë e tyre”, vijon kryeministri spanjoll, duke shtuar se portet nuk kanë raportuar asnjë incident, se trafiku ajror është reduktuar dhe trafiku i trenave është ndalur për arsye sigurie.

LEXONI GJITHASHTU:

• Mertz njoftoi se do t’i bëjë thirrje Trump që të ulë të gjitha tarifat në zero
• Spanja dhe Portugalia në “blackout”, paralizohen aeroportet e metrotë