Bled Koka: Operacionet dekonspirohen, bosët e bandave nuk arrestohen

Gazetari Bledian Koka është shprehur se bosët e vërtetë të krimit të organizuar nuk arrestohen.

Komentet Koka i bëri në “Now me Erla Mëhillin” në Euronews Albania, ku foli për 11 urdhër-arrestet e SPAK të ditës së djeshme.

Ai shtoi se operacionet ndërkombëtare për arrestimin e “kokave” të narkotrafikut, dekonspirohen.

“Ata që janë realisht bosët e bandave, që kërkohen nga drejtësia ndërkombëtare, janë në kërkim. Ka pasur dyshime që operacionet ndërkombëtare përfundojnë në dekonspirim. Praktikisht këta njerëz sot, Euroxhast dhe Europol ka sjellë të gjitha të dhënat ku i kanë pasuritë. Dhe nuk i sekuestohen direkt, por u jepet kohë. Kur vjen puna pë rata që janë bërthama e problemit, ata janë në arrati. Euroxhastit i intereson që ti sekuestrohen pasuritë Ervin Matit. Vendi është kthyer në lavatriçe të madhe të pastrimit të parave”, është shprehur Koka.

• Zbardhet vendimi për Malltezin, i ndalohet dalja nga banesa e i kufizohet komunikimi
• Berisha dhe Malltezi kundërshtojnë masat e sigurimit, Apeli regjistron ankimimin