Berisha dhe Malltezi kundërshtojnë masat e sigurimit, Apeli regjistron ankimimin

Gjykata e Posaçme e Apelit për Korrupsionin dhe Krimin e Organizuar ka regjistruar ankimimin e bërë nga ish-kryeministri Sali Berisha dhe dhëndri i tij Jamarbër Malltezi.

Ata kanë dorëzuar një ankimimim për vendimin e Gjykatës së Posaçme të Shkallës së parë për korrupsion dhe krimin e organizuar, për marrjen e masave të sigurisë kundrejt tyre.

Seanca gjyqësore jopublike në Apelin e GJKKO është caktuar për më datë 20.11.2023, ora 09:00, ku gjyqtare do të jetë Iliriana Olldashi

“Gjykata e Posaçme e Apelit për Korrupsionin dhe Krimin e Organizuar, më 14.11.2023, regjistroi çështjen penale nr. 56 akti, datë 14.11.2023 regjistrimi, mbi ankimin e personave nën hetim S.B. dhe J.M., me objekt: “Ankim ndaj vendimit nr. 112, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal.

Sipas shortit, trupi gjykues monokratik përbëhet nga gjyqtarja Iliriana Olldashi.

Seanca gjyqësore jopublike është caktuar për më datë 20.11.2023, ora 09:00”,-thuhet në komunikimin për mediat.

LEXONI GJITHASHTU:

• “Nuk e zgjodhi Berisha”- Vangjel Dule: Beleri është i burgosur politik
• Kryebashkiaku demokrat i Fushë-Arrëzit letër Ramës: Gati të strehojmë emigrantë