Blendi Klosi: Pse Partia Socialiste meriton të fitojë zgjedhjet

Deputeti i Partisë Socialiste, Blendi Klosi deklaroi se kjo forcë politike do t’i fitojë zgjedhjet e ardhshme vendore.

Në emisionin “Now” në Euronews Albania, Klosi tregoi disa nga arsyet, se përse PS-ja do të dalë fituese.

Sipas tij, Partia Demokratike flet për hallin e vet, atë të logos, ndryshe nga Partia Socialiste, e cila punon për interesin e qytetarëve.

“Vjen edhe nga sondazhet, edhe nga patronazhistët, edhe nga punët që kemi bërë, edhe nga përballja e një viti më parë, ku Partia Socialiste mori mandatin e saj të tretë. Vjen nga kontaktet e përditshme që kemi me qytetarët. Ne fitojmë se diskutojmë me qytetarët, dialogojmë me ta, matim tempin e qytetarëve.

Shikoni forcat politike, me atë që ne konkurrojmë. Ne flasim me qytetarët, për hallet e tyre, Partia Demokratike flet vetëm për hallin e vet. Arsyeja e vërtetë pse ne fitojmë, është se jemi një forcë që punon për interesat e qytetarëve’, theksoi ai.

LEXONI GJITHASHTU

• Hakerat publikojnë hyrje-daljet në sistemin TIMS të kreut të SHISH
• ‘Po mblidhen certifikatat’, Berisha-Ramës: Do ta paguash shtrenjtë prekjen e votës
• Primaret në PD, Berisha tregon cilat janë qytetet që do të votojnë të parat