Blerja e kateve pa leje, urbanisti: Kostoja e ndërtimit nuk është 223 euro/m2

Në emsionin Review në Euronews Albania, u diskutua këtë të shtunë vendimi i qeverisë për konfiskimin e objekteve pa leje. Një investigim i Birn tregoi se ky vendim nuk i ka ndëshkuar ndërtuesit, por përkundrazi i ka favorizuar ata.

I ftuar në panel urbanisti Gentjan Kaprata tha se ndërtuesit po i blejnë katet pa leje për 223 euro për metër/2, shumë herë nën koston e ndërtimit.

Ai theksoi se kostoja e ndërtimit në Tiranë shkon shumë herë më shumë se 223 euro për  metër katrorë.

Sipas tij, vendimi i qeverisë është një skemë për të amnistuar ndërtimet pa leje të ndërtuesve, duke shtuar dhe efektin elektoral, pasi ky vendim u mor dhe në prag të zgjedhjeve lokale.

“A do merrni ju riskun që të bleni një send me të njëjtin çmim që do ta shisni, kurrë nuk ndodh. Unë këmbëngula atëhere që do shiten me vlerën kostos, por edhe atëherë ia kam futur kot se nuk u shitën as me vlerën e kostos.  Nuk ka asnjë mundësi që ndërtimet në tiranë të kushtojnë 223 euro për metër katrorë në çfarëdo gjendje të jetë godina. Vetëm betoni, hekuri dhe punëtoria, ose kostot e ndërtimit të një karabinaje janë shumë më të larta, veçanërisht në katet e para.

Në Shqipëri kemi dy raste të tilla, e para ka qenë një godinë pas Presidencës, ku Rama bëri një VKM vetëm për atë, ku thoshte që lejet që ai jep vetë janë të ndyshme nga ato që jepen nga qeveria vendore.

Gjykata Administrative e rrëzoi dhe qeveria e bëri ligj. Ky është rasti i qartë i një organizmi fashist ekonomik kur sipërmarrrësit dhe qeveria bëhen bashkë dhe kështu do sillen”, tha ai.

LEXONI GJITHASHTU:

• Konfiskimi i kateve pa leje, juristi zbërthen VKM-në: Mekanizëm legalizimi pa kosto
• Ndërtimet pa leje/ Daci: Çudira, katet e para kanë kosto 1000 €, të fundit 200 euro
• Ndërtuesit blejnë 200 € m/2 katet pa leje, Qori: Të moshuarit në burg për 1 gardh