Blinken shpreh shqetësime serioze për marrëdhëniet ushtarake Rusi-Kore e Veriut

Sekretari amerikan i Shtetit, Antony Blinken, ka thënë të enjten se ai dhe ministri i Jashtëm i Koresë së Jugut, Park Jin, ndajnë shqetësim të thellë për rritjen e bashkëpunimit ushtarak mes Koresë së Veriut dhe Rusisë.

Blinken dhe Park kanë thënë se kanë diskutuar edhe për bashkëpunim drejt zbatimit të një strategjie të zgjeruar parandaluese, me qëllim të luftimit të kërcënimeve prej Koresë së Veriut, si dhe për rritje të bashkëpunimit strategjik me Japoninë.

Ata kanë paralajmëruar marrjen e masave për dërgim të paralajmërimeve në kohë reale për testimet që kryen Koreja e Veriut, për stërvitje të përbashkëta ushtarake dhe për tentime që të luftohet ndikimi dashakeq i koreano-veriorëve.

SHBA-ja, Koreja e Jugut dhe Japonia e kanë dënuar atë që besojnë se është bartje e armëve dhe pajisjeve ushtarake të Koresë së Veriut në Rusi.

LEXONI GJITHASHTU:

• Erdogan injoron Blinken, gazetari: Çfarë ndodhi në vizitën në Turqi
• Blinken thotë se SHBA-ja punon për ndihmën humanitare për Gazën