Bllokimi i ndryshimit të komisionit për “Zgjedhoren”, Bardhi: PS po pengon opozitën

Ashtu siç nisi me tensione dhe përplasje, seanca plenare e kësaj të enjte prodhoi debat edhe në mbyllje të saj.

Shkak këtë herë është bërë refuzimi nga ana e mazhorancës socialiste për të pranuar ndryshimet në Komisionin e Reformës Zgjedhore që ka propozuar grupi parlamentar i Partisë Demokratike.

Pasi deputetët demokrat bllokuan foltoren e Kuvendit, kryetarja e Lindita Nikolla e shtyu votimin.

Këtë sjellje të mazhorancës, kreu i grupit parlamentar demokrat, Gazment Bardhi e cilësoi si një tentativë të hapur të Partisë Socialiste për të diktuar vendimmarrjet e opozitës.

“Ka tentativë të qartë nga grupi parlamentar i PS-së për të penguar përfaqësimin e opozitës në komisionin e reformës zgjedhore me qëllim zvarritjen e kësaj reforme.  Nëse opozitës në kuvend i mbyllet çdo hapësirë institucionale kuvendi nuk mund të funksionojë. Parlamenti ka humbur çdo mundësi bashkëjetese”, tha Bardhi në një deklaratë për mediat.

Grupi i deputetëve Berisha-Bardhi kanë propozuar që në Komisionin e Reformës Zgjedhore të vendoset Oerd Bylykbashi në vend të Enkelejd Alibeajt dhe gjithashtu të ndryshohen anëtarët përfaqësues të opozitës.

LEXONI GJITHASHTU:

• Basha i përgjigjet Bardhi: Do kesh të njëjtin fat si padrinoja non grata
• Deputetët krah Bardhit të njëjtin fat me ata që mbështetën Berishën? Flet Basha