Bllokimi i varkave në liqenin e Komanit, operatorët-kryebashkiakut: Na gjej zgjidhje

Të mërkurën policia e Shtetit filloi me zbatimin e planit të koduar “Lundrimi i sigurt”, ndërsa u sekuestruan në liqenin e Komanit disa mjete lundruese të cilat përdoreshin për transport turistësh, por dhe për lëvizjen e banorëve të Komanit në drejtim të banesave të tyre.

Pas këtij aksioni banorët e Komanit dhe drejtuesit e bizneseve në luginën e Shalës protestuan në hyrje të bashkisë së Vaut të Dejës dhe kërkuan të priteshin nga kryetari i bashkisë Kristjan Shkreli.

Një kërkesë e tillë u miratua nga kryetari i kësaj bashkie i cili i priti banorët në zyrën e tij.

Banorët shprehën shqetësimet e tyre duke theksuar se një aksion i tillë po dëmton shumë turizmin në luginën e Shalës.

Në përmbyllje Shkreli premtoi mbështetje maksimale për banorët ndërsa tha se mjetet e konfiskuara do u kthehen pronarëve.

Ky nuk është aksioni i parë në liqenin e Komanit pasi dhe 2 javë më parë u konfiskua nga policia e shtetit 1 traget dhe 10 mjete të tjera lundrimi artizanale ndërsa poseduesit e mjeteve u ndëshkuan me gjobë në vlerën 10 mijë lejë të reja.

LEXONI GJITHASHTU:

• Luftë skafeve në plazhe, bllokohen 11 mjete lundruese në vend, gjobiten pronarët
• Bllokohen 7 mjete lundruese në Vlorë, gjobiten pronarët