Bllokohet aksi rrugor Kakavijë-Janinë, shkak bëhet protesta e fermerëve

Policia Kufitare e Kakavijës, nëpërmjet Policisë Kufitare Greke ka njoftuar se ditën e sotme aksi rrugor Kakavijë–Janinë, në kryqëzimin e fshatit Kallpaq do të jetë i bllokuar.

Mësohet se bllokimi do të nisë nga ora 19:00 deri në një njoftim të dytë. Shkak për këtë është protesta e zhvilluar nga fermerët e bllokadës së Tesalisë. Nëpërmejt këaj proteste, ata vendosën të qëndrojnë në vend, dhe, duke iu drejtuar qeverisë, kërkuan zgjidhje për çështjet kryesore të tyre, kostot e larta të prodhimit, çmimet e ulëta të shitjes së produkteve dhe nevojën për pagesën e menjëhershme të subvencioneve.

Ndërkaq, gjatë kohës që aksi do të jetë i bllokuar, do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

LEXONI GJITHASHTU:

• EMRI| Përplasi për vdekje këmbësorin në Maliq, arrestohet oficeri i policisë
• Fermerët vijojnë protestën në Greqi, bllokohet autostrada Athinë-Selanik