Boçi: Aksioni politik ka nisur në Kuvend si mosbindje civile, s’ndalemi

Politikani Luçiano Boçi ka folur për mikrofonin e Euronews Albania ndërkohë që po mbahet protesta para Kuvendit, ku pritet të votohet heqja e imuniteti të Sali Berishës.

Ai theksoi se goditja e opozitës ka qenë metodike dhe ka vite që po bëhet në forma dhe mënyra të ndryshme.

Boçi nënvizoi se vazhdojnë të pengohen deputetët e opozitës por megjithatë aksioni i tyre politik nuk do të ndalet.

“Goditja e opozitës ka  qenë metodike, ka vite që bëhet në forma dhe mënyra të ndryshme dhe ka arritur në akuzat politike apo hetimin politik ndaj kryetarit të PD-së. Sot maskarada vazhdon dhe në aulonë e Kuvendit.

Vazhdojnë të pengohen deputetët e opozitës të hyjnë në sallë. Kemi paralajmëruar aksion politik, aksioni politik ka nisur në sallën e Kuvendit si mosbindje civile dhe sigurisht ka fazat e tij të shtrirjes. Mos na numëroni, na shihni qëndrueshmërinë dhe vendosmërinë për përballje”-tha ai.

LEXONI GJITHASHTU: 

• ‘Kosova në alarm’/ Gjenerali gjerman: Në Serbi po mobilizohen nacionalistët 
• “Vuçiç vodhi zgjedhjet”- Deputeti serb zbulon skenarin e opozitës: Në maj presim…