Bomberi kosovar shënon 10 gola në Spanjë, Interi hyn në garë për kartonin

Performanca e shkëlqyer në La Ligan spanjolle ka bërë që sulmuesi nga Kosova, Vedat Muriqi të jetë në qendër të merkatos së transferimeve. 28-vjeçari ka udhëhequr sulmin e Mallorcas, ndërsa numëron 10 gola dhe 2 assiste në 24 javë të kampionatit. Pas Sevillas, një tjetër klub i madh kërkon shërbimet e Muriqit, e bëhet fjalë për Interin.

Zikaltrit prej kohësh monitorojnë bomberin e përfaqësueses së Kosovës, i cili po zhvillon sezonin e jetës. Sipas mediave italiane, vlera e tij llogaritet rreth 12-15 milionë euro, të cilat skuadra nga Milano do t’i paguante për një golashënues të tillë. Me Dzekon në prag të largimit dhe Lukakun që me shumë mundësi e ka mbyllur aventurën me zikaltrit, Muriqi shihet si lojtari që do të luftojë në krah të Lautaro Martinez.

Një lëvizje e tillë do të shenjonte rikthimin e sulmuesit në Serinë A 1 vit pas largimit nga Lazio aty ku në 31 ndeshje shënoi vetëm 1 gol. Edhe skuadrat angleze do të jenë në sulm për të siguruar shërbimet e Vedat Muriqit, i cili aktualisht është sulmuesi shqiptar i momentit.

LEXONI GJITHASHTU

• Man Utd “vulos” kualifikimin në Europa League, fitore edhe për Juventusin e Romën
• Milan në çerekfinale pas 11 vitesh, italianët eliminuan Totenhemin
• Kupa e Mbretit në Spanjë, një autogol i Militao vulos El Clasico-n