Borrell apel ministrave të BE-së, kërkon sanksione ndaj homologëve izraelitë

Shefi i politikës së jashtme të BE-së, Josep Borrell tha të enjten se u ka kërkuar ministrave të jashtëm të bllokut të marrin në konsideratë sanksionet kundër ministrave izraelitë.

Kjo pasi këta të fundit kanë lëshuar “mesazhe të papranueshme urrejtjeje kundër palestinezëve”.

Përpara se të merrte pjesë në takimin jozyrtar të ministrave të jashtëm të BE-së në Bruksel, Borrell u tha gazetarëve se ai nisi procedurat për të pyetur vendet anëtare nëse ata do të përfshiheshin në listën e sanksioneve ndaj disa ministrave.

Ministrat e jashtëm të BE-së u mblodhën në Bruksel për një takim jozyrtar për të diskutuar tema globale dhe rajonale, duke përfshirë luftën në Ukrainë dhe situatën në Lindjen e Mesme.

LEXONI GJITHASHTU:

• Josep Borrell: Viti i kaluar, më vdekjeprurësi për punonjësit humanitar
• Borrell kërcënon Izraelin me sanksione të BE-së pas sulmeve në Bregun Perëndimor