Borrell kërcënon Putin: Mos na nënvlerëso

Shefi i politikës së Jashtme i BE-së, Josep Borrell i ka bërë thirrje presidentit të Rusisë që të mos nënvlerësojë Perëndimin.

Mëngjesin e sotëm, në një konferencë për mediat Borrell tha se Putin duhet të ndalojë sulmet ndaj Ukrainës.

“Janë orë të tëra të errta për Europën që nga Lufta e Dytë Botërore. Presidenti Putin duhet të ndalojë këtë agresion të pakuptimtë në këtë moment mendimet tona janë me njerëzit dhe popullin e Ukrainës, që ne i mbështesim dhe do të jemi më ta”, u shpreh Borrell.

Në orët e para të mëngjesit të 24 shkurtit Rusia sulmoi ushtarakisht Ukrainën. Nga ana tjetër Kiev ka shpallur gjendjen e luftës.

Presidenti Vladimir Putin paralajmëron vendet e tjera se çdo përpjekje për të ndërhyrë do të çonte në pasoja të papara ndonjëherë.