Borrell takohet veçmas me Kurtin dhe Vuçiç në Mynih, mesazhi që përcjell

Shefi i diplomacisë europiane, Josep Borrell, është takuar në konferencën e Sigurisë në Mynih me kryeministrin e Kosovës Albin Kurti dhe presidentin serb Aleksandër Vuçiç.

Përmes një postimi në rrjetin social X, Borrell ka ndarë pamjet nga takimet veçmas me të dy liderët.

Borrell thekson se stabiliteti dhe paqja në rajonin e Ballkanit mund të arrihet vetëm përmes normalizimit të marrëdhënieve mes Kosovës dhe Serbisë.

Borrell shton se rruga e vetme që duhet të ndjekin Prishtina dhe Beogradi është dialogu i lehtësuar nga BE-ja.

“U takova veçmas në margjinat e Konferencës së Mynihut me presidentin Vuçiç dhe kryeministrin Albin Kurti. Stabiliteti i qëndrueshëm dhe paqja në rajon mund të arrihet vetëm përmes normalizimit të marrëdhënieve ndërmjet Kosovës dhe Serbisë. Rruga drejt kësaj çon përmes dialogut të lehtësuar nga BE-ja”, shkruan Borrell në “X”.

I met separately in the margins of #MSC2024 with @predsednikrs and @albinkurti.

Sustainable stability and peace in the region can only be achieved through normalisation of relations between Kosovo and Serbia. The path towards this leads through the EU-facilitated Dialogue. pic.twitter.com/zt7DAb9060

— Josep Borrell Fontelles (@JosepBorrellF) February 17, 2024