Borrell thirrje për çtensionimin e situatës, kërkon themelimin e Asocacionit

Përfaqësuesi i Lartë i Bashkimit Evropian Josep Borrel, ka apeluar për shpalljen sa më shpejt të zgjedhjeve të reja në veri të Kosovës.

Borrell tha se presin nga qeveria e Kosovës që të pezullojë operacionet policore në afërsi të ndërtesave komunale dhe të shpallë zgjedhje të reja dhe gjithëpërfshirëse në Veri. Ai shtoi gjithashtu se serbët e Kosovës duhet të marrin pjesë në zgjedhjet e reja që do të shpallen.

“Presim që Kosova të pezullojë menjëherë operacionet policore në afërsi të ndërtesave komunale në veri të Kosovës. Kryetarët e komunave duhet t’i kryejnë përkohësisht detyrat e tyre në objekte të ndryshme nga ndërtesat komunale. Dështimi për të de-përshkallëzuar tensionet do të çojë në pasoja negative.”, tha Borrell.

Gjithahstu ai nënvizoi se palët duhet të veprojnë me përgjegjshmëri dhe të angazhohen në dialogun e ndërmjetësuar nga BE. Borrell shtoi se Kosova dhet të nisë pa asnjë parakusht të mëtejshëm punën për themelimin e Asocacionit.

“Bashkimi Evropian pret që Kosova dhe Serbia të veprojnë me përgjegjësi dhe të angazhohen menjëherë në dialogun e ndërmjetësuar nga BE-ja për të gjetur një zgjidhje të qëndrueshme për situatën në veri të Kosovës që garanton siguri dhe demokraci pjesëmarrëse për të gjithë qytetarët dhe hap rrugën për zbatimin e Marrëveshjes për Rrugën drejt Normalizimit dhe Aneksit të saj. Kjo përfshin fillimin pa ndonjë vonesë apo parakusht të mëtejshëm të punës për themelimin e Asociacionit/Bashkësisë së Komunave me Shumicë Serbe”, tha Borrell.

LEXONI GJITHASHTU: 

• Shtëpia e Bardhë, thirrje Kosovës dhe Serbisë të ulin tensionet
• Politologu serb: Dorëheqja e Vuçiç lojë politike, çfarë po përpiqet të bëjë