Shefi i politikës së jashtme të Bashkimit Europian, Josep Borrell thotë se bllokimi i procesit të negociatave me Shqipërinë dhe RMV-në për shkak të vetos së Bullgarisë, ka sjellë pasoja negative.
Në një shkrim të tij të botuar në faqen zyrtare të Komisionit Europian, Borrell shprehet se kjo ka ndikuar negativisht në besueshmërinë e Bashkimit Evropian.
“Ne kemi parë dinamikë të ngjashme në hapjen e negociatave të anëtarësimit me Maqedoninë e Veriut dhe Shqipërinë, me një vend që bllokon atë që të gjithë të tjerët mund të bien dakord, përsëri me pasoja negative për besueshmërinë dhe ndikimin e BE-së”, deklaron ai.
Bullgaria e ka bllokuar procesin e integrimeve për Maqedoninë e Veriut për shkak të kontestit mes dy vendeve për çështjen e gjuhës dhe të kaluarës historike.
LEXONI GJITHASHTU