Bota kundër izraelit, pushtimi i Gazës: Plani do thellojë më tej katastrofën

Liderët botërorë kanë kritikuar vendimin e Izraelit për të marrë nën kontroll të plotë Gazën, duke paralajmëruar se lëvizja rrezikon të përkeqësojë katastrofën humanitare që ka përfshirë Rripin.

Kryeministri britanik Keir Starmer dënoi lëvizjen duke thënë: “Vendimi i Izraelit për të përshkallëzuar më tej ofensivën në Gaza është i gabuar dhe ne i bëjmë thirrje që ta rishikojë”.

Ministrja e Jashtme e Finlandës, Elina Valtonen i mëshoi gjithashtu shqetësimeve, duke thënë se ishte “jashtëzakonisht e shqetësuar” për përkeqësimin e krizës humanitare në Gaza.

“Shpresojmë për një armëpushim të menjëhershëm dhe lirimin e të gjitha pengjeve izraelite”, tha ajo.

Në Australi, ministrja e Jashtme Penny Wong i bëri thirrje Izraelit që të tërhiqet, duke paralajmëruar se “zhvendosja e përhershme e banorëve përbën një shkelje të ligjit ndërkombëtar”.

Edhe komisioneri i lartë i OKB-së për të Drejtat e Njeriut, Volker Turk e kritikoi vendimin. “Plani i qeverisë izraelite duhet ndalur menjëherë”, tha ai.

Më herët gjatë javës, presidenti amerikan Donald Trump tha se vendimi i takonte Izraelit dhe fajësoi Hamasin për dështimin e bisedimeve. “Ata nuk duan të bëjnë një marrëveshje”, deklaroi Trump.

Ndërkohë, reagimet në Izrael kanë qenë të ndryshme. Lideri i opozitës, Yair Lapid e denoncoi planin e qeverisë duke thënë se ishte miratuar pa u këshilluar me lidershipin ushtarak të vendit.

Edhe shefi i Shtabit të Përgjithshëm, gjeneral Eyal Zamir paralajmëroi se plani do të vërë në rrezik jetët e pengjeve dhe do të zgjasë më tej operacionin ushtarak.

Njoftimi i Tel Avivit zyrtar erdhi në një kohë kur organizatat humanitare vijojnë të japin alarmin për gjendjen e rëndë në Gaza, ku kriza e urisë dhe zhvendosja e banorëve po intensifikohen dita ditës.

LEXONI GJITHASHTU:

• Netanjahu pranon se ndjeu trysni nga aleatët për ta lejuar futjen e ndihmave në Gazë
• Netanjahu shpreson se Trump do të pranojë të lehtësojë tarifat ndaj Izraelit