Botohet në Devoll vëllimi poetik “Ditët e mia pa ty” i Skënder Rusit

Në nderim të poetit dhe lirikut të njohur devollian, Skënder Rusi, Bashkia Devoll organizoi një mbrëmje letrare në përvjetorin e lindjes së tij. Miq famijarë dhe adhurues të poezisë sollën kujtime dhe interpretime nga krijimtaria e autorit. Në qendër të kësaj mbrëmjeje ishte vëllimi më i fundit poetik i titulluar “Ditët e mia pa ty”, i cili botohet pas ndarjes së tij nga jeta, si një dëshmi e ndjeshmërisë dhe finesës së penës së tij.

“Kalon vetëm nëpërmjet veprimtarive të poetit. Mbrëmja e sotme mbledh dashamirës të poezisë, miq të Skënder Rusit. Nis me qiell të ngarkuar me re dhe u hapën pasi poetët dine te fryjnë reve e të sjellin dritë tek njerëzit”, u shpreh Eris Rusi, djali i poetit.

Pedagogu Ilir Shyta ndau kujtimet e tij me poetin, që nisnin në bibliotekën e Korçës, ku Rusi shpesh ndante vargjet e tij më të reja, në një kohë kur poezia e tij sapo niste të formësohej.

“Ditëlindjet mbeten interesante. Jo vetëm kur njerëzit janë gjallë por e kur ikin, i tillë është rasti i një liriku të madh me vlerë si Skënder Rusi, pasi në gjysmën e dytë të shekullit të 20, lirizmi I tij mbeti. Skënderi ka mbetur i tillë, lindi poet dhe mbetet figure interesante”, tha Ilir Shyta, pedagog.

Ndërsa kryetari i Bashkisë Devoll, Eduard Duro, nënvizoi rëndësinë e mbështetjes institucionale për ta mbajtur gjallë trashëgiminë poetike të figurave të tilla.

“Ishte aktivitet i bukur, letrar. Ne si institucione duhet të ushtrojne ato mundësi që vepra e poetëve të njohur si Skënder Rusi, të ngelen ne kujtim te gjithë brezave dhe një pjesë e studimeve të nxënësve të Devollit”, tha kryebashkiaku.

Skënder Rusi u nda nga jeta, por jo nga poezia. Ai vazhdon të flasë me zërin e vargjeve të tij, që sot prekin zemrat e lexuesve ashtu si dikur.

LEXONI GJITHASHTU:

• Vdekja e Jonada Avdiaj, Gjykata e Vlorës shpall të pafajshëm 5 efektivët e policisë
• Final-four i Superligës shqiptare ndryshon formatin, fituesi me 6 ndeshje