Final-four i Superligës shqiptare ndryshon formatin, fituesi me 6 ndeshje

Final-four, skema e kritikuar që përcakton fituesin e kampionatit shqiptar të futbollit, do të ndryshojë nga sezoni i ardhshëm. Ndryshe nga dy vitet e kaluara, ku fituesi vendosej përmes dy gjysmëfinaleve dhe finales, tashmë do të zbatohet një format i ri.

Komiteti Ekzekutiv i Federatës Shqiptare të Futbollit ka miratuar skemën e re, sipas së cilës pas përfundimit të 36 javëve të kampionatit, 4 skuadrat kryesore do t’u përgjysmohen pikët. Më pas, secila prej tyre do të zhvillojë 6 ndeshje tre javë me nga dy ndeshje ndaj rivalëve të tjerë në një garë që do të zhvillohet në stadiumin Air Albania.

Ky format i ri synon të sjellë më shumë konkurrencë dhe transparencë në përcaktimin e fituesit të Superligës shqiptare, duke hequr skemën e mëparshme të play-off-eve me eliminim direkt.

LEXONI GJITHASHTU:

• Egnatia “shkatërron” Vllazninë në finale dhe fiton titullin kampion
• Fitorja me Dinamon, Tirana në play-out, Partizani në Final 4! Bien Skënderbeu e Laçi