Fitorja me Dinamon, Tirana në play-out, Partizani në Final 4! Bien Skënderbeu e Laçi

Superliga ka mbyllur këtë të dielë ndeshjet e fundit të sezonit, duke i hapur rrugë fazës “Final 4”, ku do të përcaktohet kampionia e Shqipërisë për edicionin 2024-2025.

Pas rezultateve të kësaj dite, Skënderbeu dhe Laçi zyrtarizuan rënien në Kategorinë e Parë, ndërsa Tirana, e cila mbylli sezonin në vendin e tetë, ka një mundësi të fundit për të shpëtuar nga rënia pasi do të luaj në play-out.

Tirana fitoi 2-0 ndaj Dinamos, duke e mbyllur sezonin në vendin e tetë dhe duke siguruar pjesëmarrjen në play-out.

Ndërkaq, Partizani ka mundur Elbasanin në një ndeshje të rëndësishme për zonën e “Final 4”, duke fituar 2-0. Me këtë fitore, të kuqtë sigurojnë një vend në katërshe, ndërsa verdheblutë mbeten jashtë konkurrencës për titullin kampion.

Egnatia, Vllaznia, Dinamo dhe Partizani janë skuadrat që do të garojnë në “Final 4”, ku do të vendoset emri i skuadrës që do të shpallet kampione e Shqipërisë për këtë sezon.

Skënderbeu ra nga Kategoria Superiore pas humbjes 1-2 ndaj Byllis, ndërsa iu bashkua dhe Laçi pas barazimit 1-1 në Shkodër ndaj Vllaznisë.

Rezultatet e javës së 36-të

Dinamo Tirana 0 – 2 KF Tirana

Partizani 2 – 0 AF Elbasani

Skenderbeu 1 – 2 Bylis

Teuta 2 – 1 Egnatia

Vllaznia 1 – 1 Laci

LEXONI  GJITHASHTU:

• Tirana shkatërron Partizanin në derbi, 3 pikë shprese për bardheblutë
• Partizani fiton pas 7 ndeshjesh në kampionat, Dinamo mposht Bylisin