Brazili në ethe, Neymar do mungojë në ndeshjet e ardhshme për shkak të dëmtimit

Neymar është përjashtuar nga dy ndeshjet e ardhshme të Brazilit në Kupën e Botës pasi pësoi dëmtim të ligamentit në kyçin e këmbës së djathtë, shkruan BBC. 

Sulmuesi 30-vjeçar u zëvendësua në minutën e 80-të të fitores 2-0 të së enjtes ndaj Serbisë pas një ndërhyrjeje të rëndë nga Nikola Milenkoviç.

“Një nga momentet më të vështira të karrierës sime. Asgjë në jetën time ka ardhur lehtë dhe gjithmonë më është dashur të punoj për ëndrrat dhe qëllimet e mia”, shkroi Neymar në llogarinë e tij në Instagram.

“Unë kurrë nuk i kam uruar askujt ndonjë gjë të keqe dhe gjithmonë kam ndihmuar atë që ka nevojë”, u shpreh ai më tej.

Mbrojtësi i djathtë Danilo gjithashtu do të mungojë në dy ndeshjet e ardhshme për shkak të dëmtimit të kyçit të këmbës.

Brazili përballet me Zvicrën në ndeshjen e dytë të Grupit G të hënën përpara se të luajë me Kamerun të premten e ardhshme.

LEXONI GJITHASHTU:

• Katari bën historinë pas eliminimit nga Kupa e Botës
• Katari ndalon simbolet e Kryqëzatave, paralajmërohen tifozët anglezë
• Futbollistët iranianë kënduan himnin para ndeshjes me Uellsin, tifozeria në lot