Sirena që paralajmërojnë sulme me raketa u dëgjuan në pjesën qendrore të Izraelit, përfshirë Tel Avivin më 26 maj, për herë të parë pas disa muajsh, teksa Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – tha se ka gjuajtur një breshëri raketash nga Gaza.
Krahu ushtarak i Hamasit përgjegjësinë për sulmin, përderisa në Gazën qendrore janë dëgjuar zhurma të lëshimit të raketave.
Ushtria izraelite tha se tetë predha kaluan në territorin e Izraelit, pasi u lëshuan nga qytetin Rafah, në jug të Gazës, ku forcat izraelite së fundi kanë nisur një ofensivë.
Ushtria izraelite tha se “një numër” i raketave janë rrëzuar.
Hamasi ka vazhduar të sulmojë me raketa komunitetet përreth Gazës, që kur ka nisur luftën me Izraelin më 7 tetor.
Nuk ka ende informacione për viktima apo dëme nga breshëria e fundit e raketa e lëshuar nga Hamasi.
Lufta në Gazë mes Izraelit dhe Hamasit nisi pasi grupi radikal palestinez sulmoi jugun e Izraelit më 7 tetor, duke vrarë 1.200 persona dhe duke rrëmbyer 250 të tjerë.
Si pasojë e ofensivës izraelite, në Gazë janë vrarë më shumë se 35.800 palestinezë, shkruan REL.
Izraeli thotë se po zhvillon ofensivë në Gazë me synimin që të zhdukë Hamasin, i cili udhëheq këtë territor.
LEXONI GJITHASHTU:
- Gaza| Spitali Al-Aksa do të ndërpresë funksionimin, shkak mungesa e karburantit
- Gaza: 35 të vrarë në kampin e refugjatëve, në mesin e tyre fëmijë dhe gra
