Brezovica pa borë, bizneset e konsiderojnë sezonin e dështuar, rezervimet të ulëta

Një nga destinacionet më të kërkuara gjatë dimrit në Kosovë e ndoshta në rajon këtë  sezon vazhdon të jetë i qetë e me pak turistë.

Brezovica e njohur për rekreacionet dimërore këtë vit ka pasur sezon jo të mirë.

Temperaturat e larta dhe mungesa e borës kanë mbretëruar gjatë kësaj kohe. Ka pasur një numër të vogël  turistësh.

Sipas një pronari të një biznesi që gjithë veprimtarinë  e tij e ka të lidhur me borën, deri me tani sezoni ka qenë i dështuar.

‘Nuk ka pasur asgjë vetëm kemi ndenjur e kemi bërë shpenzime. Pa borë ne nuk punojmë.”- shprehet Ardijan Grazhda.

Ardijan Grazhda tregon se njëlloj ka qenë edhe njëlloj me rezervimin e dhomave e vilave që ndodhen këtu në Brezovicë.

“Edhe dhomat i kemi pasur të zëna para dy muajsh, por u anuluan të gjitha për vit të ri.”- shton Grazhda.

Së ka një rënie drastike të numrit të turistëve këtë vit thotë menaxheri i Che Fox, një nga baret më të frekuentuara në resortin e skive në Brezovice.

“Më shumë se 50% ka rënie për shkak të mungesës së borës.”- shprehet Visar Kosumi.

Megjithatë, ata ende besojnë se sezoni mund të përmirësohet edhe pse i vonuar.

“Po besojmë se shumë shpejt kanë me ndryshuar dhe ka me pas temperatura të ftohta. Ka për të pasur turistë më shumë edhe nga Kosova dhe nga Shqipëria.”- shton Kosumi.

Qendra e skijimit në Brezovicë ndodhet në komunën e Shterpcës.

Është pjesë e Parkut Kombëtar të maleve të Sharrit që shtrihen në veri dhe veri-perëndim të Kosovës.

Kjo qendër e njohur për rekreacionet dimërore është një ndër më të njohurat në vend.

Ajo frekuentohet shume, perveçse nga vendasit edhe nga turistet nga Shqipëria, Maqedonia, Serbia e vende te tjera.

LEXONI GJITHASHTU: 

• Tokat ndahen me marrëveshje, në Kukës ofrohet zgjidhje për 140 familje
• Makina përplas biçikletën në Maliq, plagoset 55-vjeçari
• Nëna hodhi foshnjën në lum, Malaj: Ngjarja tronditi themelet e familjes shqiptare