Britania në OKB thirrje Serbisë: Dorëzo Milan Radoiçiç

Britania e Madhe ka bërë apel ndaj vendeve anëtare të Kombeve të Bashkuara, të cilat ende nuk e kanë njohur pavarësinë e Kosovës, që ta bëjnë këtë sa më shpejt të jetë e mundur.

Sipas përfaqësueses britanike, njohja është një element kyç për sigurimin e stabilitetit afatgjatë në rajon dhe për zhvillimin e plotë të Kosovës. Në fjalimin e saj, ajo gjithashtu kërkoi nga Serbia që të dorëzojë kryeterroristin Milan Radoiçiç dhe shprehu shqetësim për sulmet ndaj Gjykatës Kushtetuese të Kosovës.

“Britania mbetet përkrahëse e palëkundur e zhvillimit demokratik të Kosovës dhe shtegut të saj euroatlantik. Si ndër vendet e para që e kanë njohur pavarësinë e Kosovës, u bëjmë thirrje shteteve anëtare që ende nuk e kanë bërë këtë, t’i bashkohen shumicës. Njohja është esenciale për stabilitet afatgjatë dhe për zhbllokimin e potencialit të plotë të Kosovës”, deklaroi ajo.