Britania së shpejti në zgjedhje/ Sunak: Procesi, në gjysmën e dytë të vitit

Rishi Sunak ka deklaruar se parashikon që zgjedhjet e ardhshme të përgjithshme në Mbretërinë e Bashkuar të mbahen në gjysmën e dytë të 2024-s.

Kreu i qeverisë britanike foli pasi u pyet nga gazetarët se kur qytetarët do të mund t’i drejtohen kutive të votimit.

Sinkron Rishi Sunak, kryeministër i Mbretërisë së Bashkuar:

“Parashikoj që të kemi zgjedhje në gjysmën e dytë të vitit dhe ndërkohë unë kam shumë gjëra që dua të çoj përpara”.

Zgjedhjet britanike zakonisht mbahen në maj ose qershor, edhe pse të fundit ishin në dhjetor 2019, kur ish-kryeministri Boris Johnson fitoi shumicën dërrmuese.

Më herët, kryeministri kishte përjashtuar mbajtjen e procesit elektoral në janar të 2025-s, data e fundit e mundshme kur zgjedhjet mund të mbahen.

Pavarësisht nivelit të ulët të mbështetjes, Sunak theksoi se dëshiron të vazhdojë misionin e tij, duke menaxhuar ekonominë dhe duke ulur taksat për qytetarët.

“Por dua gjithashtu të frenoj emigracionin ilegal, ndaj kam shumë punë për të bërë dhe jam i vendosur të sjell rezultate për qytetarët britanikë”, shtoi ai.

LEXONI GJITHASHTU: 

• Zgjedhjet presidenciale në Rusi, dy kandidatë do të garojnë kundër Putinit
• QSUT, 300 urgjenca në 24 orë, mjekët: Kemi pasur fluks pas festave, shkak alkooli