Britania e Madhe do të trefishojë gjoba për bizneset që mbështesin e emigranët e paligjshëm. Sipas zyrtarëve britanike, gjobat do të jenë deri në 60 mijë paund.
Gjobat për bizneset dhe pronarët që me vetëdije mbështesin emigrantët e paligjshëm do të trefishohen, janë këto rregullat të reja të shpallura nga qeveria britanike.
Firmat që zbulohet se kanë punësuar në mënyrë të përsëritur emigrantë të paligjshëm mund të përballen me gjoba deri në 60,000 paund për shkelje. Zyra e Brendshme argumenton se “puna e paligjshme dhe marrja me qira janë faktorë të rëndësishëm tërheqës” për migrimin e paligjshëm.
Ministri britanik i Emigracionit tha se masa do të ndihmonte në parandalimin e kalimeve të rrezikshme përmes varkave të vogla. Sipas masave të reja, të cilat hyjnë në fuqi në fillim të vitit 2024, bizneset do të shohin që dënimi civil për punësimin e emigrantëve të paligjshëm të rritet nga 15,000 £ për shkeljen e parë në 45,000 £. Për shkelësit e përsëritur gjoba do të trefishohet.
Kryeministri Rishi Sunak e ka përcaktuar ndalimin e emigrantëve ilegalë si një nga 5 prioritetet e qeverisjes së tij.
Në vitin 2022 Mbretëria e Bashkuar kishte numrin e pestë më të madh të kërkesave për azil në Evropë, pas Gjermanisë, Francës, Spanjës dhe Austrisë. Kujtojmë se rreth 80% e emigrantëve që mbërrijnë në mënyrë ilegale në Britaninë e madhe, vijnë nga Shqipëria.
LEXONI GJITHASHTU:
- Papa: Mjaft me tragjedi në Mesdhe, Afrika e Veriut varreza më e madhe e emigrantëve
- Radhë e gjatë në Qafë Thanë/ Qytetarët: E padrejtë, presim më shumë se 1 orë në kufi