Radhë e gjatë në Qafë Thanë/ Qytetarët: E padrejtë, presim më shumë se 1 orë në kufi

Mungesa e personelit të palës maqedonase ka sjellë reduktim të sporteleve në hyrje të Shqipërisë.

Në kushte të tilla autoritetet tona në Pikën e Kalimit Kufitar Qafë Thanë iu kanë kërkuar homologëve maqedonas të punojnë me procedurë të përshpejtuar të shtetasve me pasaportë maqedonase gjë e cila nuk është pranuar nga policia e vendit fqinj.

Në kushte të tilla shtetasit shqiptarë dhe të huaj ka qenë të detyruar të presin për më shumë se 1 orë për të kaluar Qafë Thanën drejt Shqipërisë.

“Kjo s’ka ndodhur asnjëherë. Ne jemi nga fshati i Strugës këtu, të presësh një orë për t’u futur në kufi, kjo është padrejtësi. Ballkani i hapur do të thotë të mos kesh kufi”,-tha një qytetar.

Prej datës 1 Gusht kanë hyrë dhe kanë dalë më shumë se  70 mijë shtetas ndërkohë që në të njëjtën periudhë nga Maqedonia e Veriut drejt Shqipërisë kanë hyrë rreth 42 mijë shtetas shqiptarë dhe të huaj.

LEXONI GJITHASHTU:

• Kaliforni| Dy helikopterë përplasen gjatë një misioni zjarrfikës, vdesin 3 persona
• Rei Manaj drejt kampionatit italian, klubi i Seria A i interesuar për shqiptarin