Një tjetër incident me të shtëna ka tronditur në Brukselin, ku një person ka mbetur i plagosur lehtë mëngjesin e sotëm, raportojnë mediat lokale.

Sipas informacionit të parë, ngjarja dyshohet të ketë lidhje me shpërndarjen e drogës.

Policia është ende në kërkim të autorëve të një incidenti të ngjashëm që ndodhi dje, ku nuk pati të lënduar, por që u përdorën armë automatike “Kallashnikov”.

Nuk ka informacion nëse ky rast ka lidhje me një tjetër të shtënë të ngjashme që ndodhi në fillim të javës në një lagje tjetër të Brukselit, jo shumë larg qendrës.

Prokuroria ka konfirmuar se këto ngjarje janë pjesë e një lufte për kontrollin e territoreve urbane mes grupeve kriminale që merret me drogën. Profesori i kriminalistikës në Universitetin e Liezhit, Michael Dantin, ka theksuar se numri i të miturve që përfshihen në këto ngjarje është në rritje, pasi ata përballen me dënime më të lehta se kriminelët e rritur.

Ai paralajmëroi për rrezikun që këto ngjarje përbëjnë për shoqërinë, duke theksuar se gjithnjë e më pak merret parasysh mundësia e viktimave aksidentale. Sipas tij, grupet e reja kriminale mund të përpiqen të fitojnë ndikim në Bruksel.

Statistikat e fundit tregojnë se vitin e kaluar, të shtënat mes bandave kriminale në Bruksel arritën në 89 raste, duke shënuar një rritje prej 40%. Si pasojë e këtyre ngjarjeve, 10 persona humbën jetën dhe 48 të tjerë u plagosën. Ndërkohë, në qytetin e dytë më të madh të Belgjikës, Antwerp, janë raportuar shpesh shpërthime të mjeteve shpërthyese dhe të shtënash, një qytet që njihet si një pikë kyçe për kontrabandën e kokainës nga Amerika e Jugut në Evropë.

LEXONI GJITHASHTU:

• Pamjet e përplasjes me armë në Bruksel, çfarë ndodhi në stacionin e metrosë
• Mbahet takimi i parë në Bruksel i Komisionit Kosovë-Serbi për të pagjeturit