“Budizmi, kontribut për paqen”, Papa Françesku vijon vizitën në Mongoli

Duke iu referuar traditave të lashta nomade, Papa Françesku deklaroi se “mençuria indigjene” e mongolëve është maturuar me kalimin e gjeneratave dhe sot mund të ndihmojë në vlerësimin dhe kultivimin e asaj që të krishterët quajnë “krijimi i Zotit”, si dhe në luftimin e efekteve të shkatërrimit njerëzor.

“Qeveria dhe institucionet laike nuk kanë përse të tremben nga puna e kishës për ungjillëzimin, pasi ajo nuk ka një agjendë politike për të çuar përpara, por bazohet tek fuqia e heshtur e mirësisë së Zotit dhe tek mesazhi i tij për mëshirën dhe të vërtetën, që synon të promovojë të mirën për të gjithë”, tha Papa Françesku.

Shumë besimtarë nga vende të ndryshme aziatike si Koreja e Jugut dhe Kina udhëtuan për në Mongoli për të ndjekur nga afër vizitën e parë të atit të shenjtë.

LEXONI GJITHASHTU:

• Papa Françesku, vizitë historike në Mongoli/ Jep mesazhe për Rusinë dhe Kinën
• Papa Françesku viziton Mongolinë, pritet me ceremoni në aeroport